Јирген Клоп сè уште се смета за главен фаворит да ја преземе клупата на Реал Мадрид следната сезона. Иако е сè уште рано да се зборува за договорот, не е тајна дека германскиот специјалист е опцијата што најмногу му се допаѓа на Флорентино Перез.
Првите разговори за преземање на клупата од Алваро Арбелоа биле водени во текот на летото, а Тони Крос наводно ја играл улогата на посредник, пишува каталонскиот весник „Ел Национал“.
Клоп веќе го планира тимот
Се чини дека идејата е привлечна и за германскиот тренер, кој би бил среќен да се врати на работа година и пол откако го напушти Ливерпул. Секако, пред да пристигне на „Сантијаго Бернабеу“, ќе бара исполнување на одредени услови, како што е целосна контрола врз составот на тимот. Веројатно тоа не би требало да биде проблем и Клоп наводно веќе го контактирал својот поранешен играч Трент Александар-Арнолд.
Клоп сè уште има одличен однос со 27-годишниот дефанзивец, на кого наводно веќе му кажал дека го гледа како еден од столбовите на неговиот нов проект. Со ова, се надева дека ќе стави крај на гласините за неговото можно непосредно заминување, по многу тешката прва сезона во Ла Лига во која не успеа да се адаптира. Покрај тоа, Клоп сакал да знае од англискиот играч каква е атмосферата во соблекувалната и целокупната ситуација во клубот.
Халанд главна цел, Винисиус на излезна врата
Клоп наводно разговарал и со Ерлинг Халанд, кој би бил едно од неговите први барања до раководството на клубот. Тој верува дека доведувањето на класичната „деветка“ е неопходно за да може да се користи Килијан Мбапе на позицијата лево крило. За ѕвездата на Манчестер Сити, тој би побарал активирање на клаузулата за обештетување од 175 милиони евра, а веќе му кажал дека е исклучително заинтересиран за соработка.
Како што пишува „Билд“, Клоп би се залагал за продажба на Винисиус Жуниор за да го финансира доаѓањето на Норвежанецот.
Бразилецот сè уште не го продолжил договорот, кој истекува во 2027 година, а продажбата би обезбедила значителен приход и би спречила негово потенцијално заминување без надомест. Парите од трансферот би биле искористени за доведување на Халанд, кој на тој начин би го зазел неговото место во тимот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
