Осврт со најважните моменти кои го одбележуваат мундијалскиот ден. На вага клучните поенти, случувања, теми и дилеми…, кои вреди да се „измерат“ како заокружување на дневните возбудувања во Катар.
================================================================================
ТЕМА НА ДЕНОТ: Килијан Мбапе е првиот фудбалер во историјата со постигнати девет гола до 24 години на светските првенства!
Напаѓачот на француската репрезентација, Килијан Мбапе е новиот КРАЛ на Мундијалите. Во победата на Франција од 3-1 против Полска во осминафиналето во Катар, Мбапе се испиша историја на светските првенства!
Мбапе е првиот фудбалер во историјата кој дојде до девет постигнати гола на светските првенства пред да наполни 24 години. Мбапе претходно беше израмнет на листата со легендарниот Пеле со седум погодоци, но денеска постигна два погодоци против Полјаците и веќе со неполни 24 години е на 9 гола – осамен на врвот од листата.
Мбапе, пред кого се сигурно најмалку уште два-три Мундијали, дури уште од сега се израмни со голот на голови (девет) на светските првенства со Лионел Меси, а има еден повеќе од Кристијано Роналдо. А, и на Меси и на Роналдо ова ќе им биде последен Мундијал, иако и тројцата се уште и во Катар имаат уште натпревари за постигнување погодоци.
Јасно е дека Килијан Мбапе е огромен потенцијал на светскиот фудбал. Не треба да се биде многу паметен дека е идниот фудбалски владетел на планетата, по пензионирањето на Лионел Меси и Кристијано Роналдо.
Актуелен рекордер по бројот на постигнати голови на Мундијалите е Германецот Мирослав Клосе со 16 гола, а еден помалку има Бразилецот Роналдо.
ДИЛЕМА НА ДЕНОТ: Утре ќе следи првото осминафинално изненадување во Катар!?
Светските фудбалски аналитичари категорично тврдеа дека низ првите два дена осминафинални пресметки во Катар нема да има апсолутно никакви изненадувања. И така беше. Холандија, Аргентина, Франција и Англија без никакви проблеми се пласираа меѓу осумте најдобри на Мундијалот.
Но, според квалитативната поен-анализа веќе се утре се најавува првото изненадување во осминафиналето. Иако на Бразил се дава огромна предност за триумф над Јужна Кореја, анализите покажуваат дека Јапонија е многу блиску до изненадување во дуелот против актуелниот вицешампион Хрватска. Се најавува дека „коцкестите“ ќе имаат големи проблеми да дојдат до реализација на планот за четвртфинале, а на Јапонците им се доделуваат сосема еднакви шанси за триумф против Хрватска.
РЕКОРД НА ДЕНОТ: Жиру е најдобриот стрелец во историјата на француската репрезентација
Оливие Жиру е најдобриот стрелец во историјата на францускиот национален тим. Со денешниот погодок во победата на Франција од 3-1 против Полска, Жиру дојде до 52-от погодок во дресот на „триколорите“ престигнувајќи го Тјери Анри кој има 51 гол.
КУРИОЗИТЕТ НА ДЕНОТ: Хари Кејн сега е пред Гари Линекер
Хари Кејн се запиша во листата на стрелците за Англија во убедливата победа од 3-0 против Сенегал. На тој начин Кејн дојде до 11-от свој гол на големите натпреварувања за Англија, седум на светските првенства и плус четири на европските првенства. Сега Кејн е на врвот на вечната листа пред Гари Линекер кој има 10 гола за Англија на големите натпреварувања.
ФОТО НА ДЕНОТ: Англичаните досега имаат на што да се радуваат!
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
