Ретко се случува клуб да пропаѓа на начин на кој му се случува на италијанскиот Трапани кој поминува низ вистинска агонија.
По натпреварот против Хапоел во Лигата на шампионите на ФИБА, мораа предвреме да го завршат и натпреварот од италијанското првенство против Тренто поради недоволен број играчи.
Натпреварот беше прекинат при резултат 26-11 за Тренто по само четири минути и шест секунди игра.
Трапани дојде со само седум играчи, од кои само тројца сениори. Како и против Хапоел, повторно Трапани го заврши натпреварот само со еден играч.
Тројцата најстари играчи беа повредени, па го напуштија теренот многу брзо. Четири млади останаа за да го завршат натпреварот.
Тројцата добија пет лични фаули, па по четири минути и шест секунди само еден играч остана на теренот и натпреварот заврши.
Se repite la situación del Trapani Shark: se queda sin jugadores en un partido de la Lega como ya le ocurrió en la BCL
El partido ha durado tan solo 4 minutos y 6 segundos antes de que el Trapani se quedase sin jugadores para seguir el encuentropic.twitter.com/jg2VlP41it
— Gigantes del Basket (@GIGANTESbasket) January 10, 2026
Да потсетиме, во првиот натпревар оваа година, Трапани дури и не се појави против Виртус. Следеа двата мачни дуели против Хапоел и против Тренто.
Во понеделник, Италијанската кошаркарска асоцијација и Серија А се состануваат за да го истражат случајот Трапани кој претставува вистински срам за италијанската кошарка.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
