Поранешниот напаѓач на бразилската фудбалска репрезентација, Валтер Казагранде (54) упати силни критики кон најскапиот фудбалер во светот, Нејмар. Тој вели дека популарниот Неј влегол во сферата на недопирливоста, а тоа негативно се одразува на неговите игри. Повод за критиките е слабата игра што Нејмар ја прикажа против Реал Мадрид во ЛШ.
„Доби жолт картон на натпреварот против Реал Мадрид уште на самиот почеток, а лесно можеше да заработи и втор. Само замислете дека тоа може да го направи и на Светското првенство во дресот на Бразил. Тоа би била катастрофа. Се зборува дека ПСЖ може да го продаде затоа што не се согласува со Кавани. Ние создадовме чудовиште од него, а проблемот е што многумина го сметаат за гениј. Тој нема квалитети како Меси, Марадона или Роналдо, кои можат со еден потег да одлучат натпревар. Тој е само едно големо размазено детиште“, изјави Казагранде.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
