Македонската кикбокс репрезентација предводена од претседателот Дејан Митровски – Урко престојниов викенд ќе учествува на Европскиот кикбокс куп во Пловдив, Бугарија.
Најдобриот македонски кикбокс клуб, КБК Шампион со пет натпреварувачи ќе биде застапен во националниот тим на Европскиот куп на кој ќе учествуваат 1379 натпреварувачи од 212 клубови од 29 земји од Европа.
КБК Шампион во Пловдив ќе го претставуваат Максим Митровски во дисциплината К1, Нелсон Узеири во Лоу Кик, Лука Кипровски во К1, Кристина Спирковска во Лоу Кик и Сергеј Усљинковски во дисциплината Кик Лајт.
Претседателот Митровски вели дека Европските и светските купови, кои се на ниво на официјалните европски и светски првенства, се исклучително важни за рејтингот на националниот тим, но пред се претставуваат вистинска контрола за подготвеноста на натпреварувачите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
