ЕКИПА во Келн,
Стеван Цаневски, Игор Паневски
Големото финале во „Ланксес арена“ меѓу ПСЖ и Вардар е шанса за неколку нови рекорди во историјата на елитното европско натпреварување.
Како најава за финалната пресметка, ЕХФ обелодени неколку интересни факти пред дуелот меѓу Вардар и ПСЖ.
- И двата тима победија во полуфиналињата со по еден гол разлика, воедно и ПСЖ и Вардар ќе го играат првото финале во клупската историја.
- Победникот на ова финале ќе биде 13. европски првак во историјата на Лигата на шампионите, шести различен во последните шест сезони.
- Тјери Омејер атакува на петтата титула европски шампион откако во 2003 година беше првак со Монпелје, а потоа во 2007, 2010 и во 2012 година ја освои истата титула и со Кил.7
- Никола Карабатиќ може да стане првиот ракометар кој триумфирал во ЛШ со четири различни клубови (Монпелје 2003, Кил 2007, Барселона 2015).
- Иван Чупиќ може да стане првиот ракометар по 2009 година кој успеал да ја одбрани титулата европски првак, откако лани се искачи на врвот на Европа со тимот на Кјелце.
- Стратегот на ПСЖ, Нока Сердарушиќ, во случај на триумф ќе стане трет тренер што триумфирал во ЛШ со два различни тима, по Алфред Гисласон и Талант Душебајев.
- Доколку Вардар победи, Македонија ќе стане шестата земја со свој тим европски шампион, по Шпанија, Германија, Франција, Словенија и Полска.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
