Ханси Флик утре гостува со Барселона на тимот на Атлетико Мадрид во реваншот од полуфиналето на Копа дел реј, во обид да стигне до големото финале откако првиот меч во Каталонија заврши без победник.
Германецот утревечер ќе се обиде да ја продолжи фантастичната традиција која вели дека тој никогаш нема загубено на гостување во Мадрид, дали како тренер на Баерн Минхен или сега како шеф на стручниот штаб на Барселона.
Серијата почна пред пет години, кога Флик со Баерн пристигна на „Ванда Метрополитано“, ремизирајќи 1-1 со голот што Томас Милер го постгна за баварскиот гигант.
Во Ла Лига, тој веќе гостуваше на четири од петте мадридски клубови, при што забележа три победи (над Рајо, Реал Мадрид и Атлетико Мадрид) и забележа само едно реми, против Хетафе (1-1).
Нема сомнеж дека Флик ќе стори се за таа серија да продолжи, но исто така е сигурно дека Диего Симеоне ќе биде дополнително мотивиран да ја прекине оваа серија на Германецот, од кого беше непријатно изненаден на последниот дуел во Ла Лига на кој Атлетико прокоцка предност од 2-0 и загуби од каталонскиот гигант.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
