Џанина, повозрасната ќерка на аргентинската фудбалска легенда, Диего Марадона, тврди дека во периодот кога нејзиниот славен тако бил зависник од кокаин, дрогата ја земал и во семејниот дом во присуство на децата. Во телевизиско шоу, таа раскажува дека нејзината помлада сестра Далма некогаш влегла во тоалетот и го видела Марадона како се дрогира.
Џанина раскажува и дека поради зависноста на нејзиниот 15. роденден Марадона изгубил свест и бил однесен во болница. Марадона не е во добри релации со ќерките, кај помалата Далма минатата година не присуствуваше ниту на свадбата.
Марадона јавно призна дека бил зависник од кокаин во перидот од средината на 1980-те до 2004 година. Зависноста почнала во Барселона во 1983 година и траела во текот на целата кариера.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА