Екипата на Денвер се врати на делба на првото место на Западот во НБА, откако Оклахома беше поразена дома од Индијана со 121-111.
Индијана до победа ја водеше Тајрис Халибартон со 18 поени и 12 асистенции, додека Мајлс Тарнер беше најефикасен со 24 поени. Со овој пораз сега Оклахома го дели првото место со Денвер со скор 45-20.
Зад нив е тимот на Минесота со натпревар повеќе и со скор 45-21, откако славеа во текот ноќеска над Клиперс и тоа на гости. Минесота успеа да се врати од негатива од 22 поени и на крајот да слави во Лос Анџелес. Ендони Едвардс уфрли 37 поени.
It’s loud in @PaycomCenter after this three 👏 pic.twitter.com/Y50KZXlMpN
— OKC THUNDER (@okcthunder) March 13, 2024
Конечно, Сакраменто го скрши малерот откако славеше над Милвоки, првпат после осум години. Црната серија траеше 15 меча, и тоа беше најдолгата низа брз победи на една екипа во НБА.
РЕЗУЛТАТИ:
Њујорк – Филаделфија 106-79
Мемфис – Вашингтон 106-91
Оклахома – Индијана 111-121
Сан Антонио – Хјустон 101-103
Јута – Бостон 107-123
Ла Клиперс – Минесота 100-118
Сакраменто – Милвоки 129-94
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
