До 45. минута македонската ракометана репрезентација одигра рамноправен и резутлатски неизвесен натпревар. Потоа „црвената фурија’ зема залет и успеа да стигне до победа од 25-29. Избраниците на Лино Червар нема за што да жалат доколку се анализира прикажаната игра, но неколку судиски одлуки фрлија сенка врз победата на Шпанија.
„Сигурно дека заслуживме повеќе, но сега нема време за плачење или за анализирање. Најмногу ме иритира тоа што дефинитивно и како мала земја и како репрезентација од, да кажам, втор ред, втор ешалон – се носевме рамноправно, дававме отпор, воопшто не калкулиравме. Не се чувавме и се истрошивме максимално, но боли да се бориш против големите репрезентации на ваквите натпреварувања, а да немаш рамноправно судење. Веќе четврти пат тоа ни се случува. Кореанците не беа дораснати на првиот натпревар, слично беше и денес. Како земја многу значиме и во ИХФ и во ЕХФ, но го немаме тој третман. Сега на нас преостанува да се рекупираме, ние одиграме машки против репрезентација која сум сигурен дека ќе освои медал. Да се одигра квалитетна одбрана против една голема Шпанија, шаховски да се победи е голем комплимент. Утре продолжуваме со иста мера, ако не и подобра. СО верба за добар резултат верувам дека Господ ќе не награди и ќе не посреќи кога најмногу ќе ни треба“ – истакна капитенот Кире Лазаров по завршување на натпреварот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
