Најдобриот македонски ракометар Кире Лазаров со својот нов тим, францускиот Нант, пристигна во Скопје и утре ќе го предизвика европскиот првак Вардар во СЦ „Јане Сандански“. По настапите со Барселона, утре Лазаров за првпат ќе го носи и дресот на Нант против „вардарци“.
Ракометарите на Нант вечерва го одработија официјалниот тренинг во СЦ „Јане Сандански“, каде утре сигурно ќе ги очекува пеколна атмосфера. Го знае тоа и Лазаров, но и неговиот соиграч Давид Балагуер.
„Многу е тешко да се освојат бодови во оваа сала, но ќе се обидеме да го сториме тоа. Дојдовме да одиграме најдобро што знаеме против актуелниот европски првак, тоа е голем предизвик за нас. Знаеме дека Вардар има одлични навивачи кои им даваат крилја на ракометарите“, изјави Балагуер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
