ФК Пелистер официјално го објави враќањето на својот поранешен фудбалерКире Ристевски. 35-годишниот централен дефанзивец доаѓа на позајмица од Струга Трим Лум до крајот на тековната сезона во Првата македонска фудбалска лига.
Ристевски, кој ја започна професионалната кариера токму во зелено-белиот дрес се враќа дома по повеќе години. Тој настапуваше за Работнички, Струга во домашниот шампионат, а настапуваше и во: Албанија (Тирана, Билис, Елбасани), Бугарија (Славија Софија), Унгарија (Васас, Ујпешт), Кипар и Ерменија (Пјуник).
Исто така, е поранешен македонски репрезентативец кој беше дел од Европското првенство 2020.
„Добредојде дома, Кире Ристевски!“, порачаа битолчани.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
