Австралискиот тенисер Ник Кирјос ја освои титулата на АТП турнирот од серијата 500 во Вашингтон, откако во финалето за нешто повеќе од два часа игра го совлада Јошихито Нишиока со 6-4, 6-3.
Моментално 63-от играч во светот го освои седмиот трофеј во кариерата, односно прв од август 2019 година, кога во решавачкиот дуел во главниот град на САД го победи Медведев, актуелниот играч број 1 во светот.
Австралиецот одлично го започна мечот и веќе во првиот гем му го одзеде сервисот на противникот, а откако во шестиот гем ја спаси единствената брејк топка на Јапонецот, рутински го приведе сетот до крај.
Дваесет и седумгодишниот Кирјиос израмни во првиот гем од вториот сет, ги контролираше случувањата на теренот и не го загуби фокусот ниту по неколкуте ситни испади и дискусии со судијата и неговиот тим.
Кирјос, кој од денеска ќе биде 37. играч во светот, загуби само еден поен во последните три сервисни гејма, а финалето во Вашингтон го заврши со нов брејк.
TITLE #7 🏆@NickKyrgios defeats Yoshihito Nishioka 6-4, 6-3 to become the 2022 #CitiOpen Champion 🔥@CitiOpen pic.twitter.com/ahiCdsYcoM
— ATP Tour (@atptour) August 7, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
