Кристијано Роналдо има коронавирус. Оваа вест ги шокираше фановите на Португалија и на Јувентус. Фудбалската ѕвезда мораше да замине во изолација, а дефанзивецот на „старата дама“, Џорџо Кјелини, капитенски ја смирува ситуацијата и вели дека Роналдо се чувствува одлично.
„Зборував со Кристијано, тој е супер и се сонча. Ќе се врати кога ќе е подготвен. Убаво нека одмори затоа што следните неколку месеци ќе бидат многу тешки за нас“, изјави Кјелини.
Тој вели дека Серија А не смее повторно да запре. Тоа би било погубно.
„Има повторно ескалација на коронавирусот, но мораме да продолжиме, да ги преземеме сите мерки. Едноставно не смееме да сопреме. Првата причина е економска, фудбалот е голема и важна индустрија, а секако има и социолошка улога“, дополни капитенот на Јувентус.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
