Бодо/Глимт повторно му создаде маки на Жозе Мурињо откако во првиот четвртфинален натпревар од Конференциската лига славеше на домашен терен со 2-1 против фаворизираната „волчица“ и покрај тоа што гостите први поведоа преку Пелегрини во 43. минута.
Изедначување донесе Салтнес во 56. минута, а целосен пресврт Ветлесен во 89. минута. Интересно, ова е втор пораз на Рома од Бодо/Глимт оваа сезона по средбите во групната фаза, а Италијанците сеуште не знаат за победа против норвешкиот тим со оглед на тоа што вториот дуел во групната фаза заврши со реми.
Лестер и ПСВ ремизираа без голови во Англија па патникот ќе биде одлучен во Холандија, а нема да му биде лесно ниту на Марсеј на гостувањето во Грција против Паок и покрај тоа што има предност од 2-1 по првиот натпревар.
До предност Французите ги доведе Герсон во 13. минута, а предноста беше зголемена по евроголот на Паје во 45. минута. Сепак Грците успеаја да ја намалат негативата преку Ел Кадури во 48. минута и остана во игра за пласман во следната фаза. За вториот натпревар Марсеј нема да може да смета на Герсон кој заработи втор жолт картон во 94. минута.
⚽️ RESULTS ⚽️
Who is happiest after the first-leg games? 🤔#UECL
— UEFA Europa Conference League (@europacnfleague) April 7, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА