Познати се уште четири осминафиналисти во Конференциската лига на УЕФА по вечерашните реванш натпревари во четири европски градови.
Ројал Унион го елиминираше Ајнтрахт Франкфурт откако славеше на гостински терен со 1-2. Германците имаа поволен резултат по првиот меч, по ремито во Белгија, но не успеаја на домашен терен да обезбедат осминафинале во КЛ.
Олимпијакос, пак, со уште една идентична победа од 1-0, овој пат на гости, го елиминираше унгарски Ференцварош.
Без никакви проблеми пласман понатаму обезбеди и норвешки Молде откако со 0-3 на гости славеше против Легија Варшава, а во осминафиналето оди и Штурм по денешната победа од 0-1 на гостувањето против Слован Братислава.
Претходно, како што е познато, место во осминафиналето во КЛ обезбедија и Динамо Загреб, Ајакс и Сервет.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
