Лос Анџелес Клиперс стигнаа до првата победа во финалната серија на западната конференција откако на домашен терен славеа со 106-92 во третиот натпревар. Клучна за победата беше третата четвртина која тимот од „Ел-Еј“ ја доби со 34-21 и во последните десет минути влезе со предност од 14 поени (83-69). Феникс успеа да ја преполови негативата, но немаше сили за целосен камбек.
Пол Џорџ беше првото име кај домаќините со 27 поени, 15 скока и 8 асистенции, Реџи Џексон додаде 21 поен, додека дабл-дабл од 15 поени и 16 скока имаше Хрватот Ивица Зубац. Деандре Ејтон беше предводник на тимот од Аризона со 18 поени и 9 скока, додека Девин Букер беше запрен на 15 поени на кои додаде и 5 асистенции и 5 скока.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
