Фудбалерот на Шкендија, Клисман Цаке, доби повик и ќе има можност да дебитира за репрезентацијата на Албанија. Албанскиот национален тим игра против Србија на гости во квалификациите, а потоа следува и пријателски меч против Јордан во Тирана.
Цаке за првпат добива повик за селекцијата на својата родна земја. 26-годишниот стопер во минатото имаше настапи за младинските селекции на Албанија.
Поранешниот играч на Струга ТЛ веќе шест години е дел од ПМФЛ. Најпрво во Струга, а од 2022 година е во Шкендија, и со добрите настапи во Лигата на Конференции, му го донесоа посакуваниот повик во националниот тим.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
