Јирген Клоп, поранешниот менаџер на Ливерпул вели дека е во контакт со наследникот на клупата на тимот од Енфилд, Арне Слот.
Холанѓанецот го замени Германецот по неговото заминување на крајот од минатата сезона. Во интервју за холандската верзија на ESPN, Клоп откри дека имал можност да разговара со Слот.
„Разговаравме еднаш или двапати на почетокот. И се допишувавме неколку пати. Но, немам што да му кажам што тој веќе не знае. Од моја страна, сакав да му дадам само позитивни сигнали на почеток, бидејќи сите ние сме луѓе, а тој работи напорно, бидејќи подготовките се тешки во годината кога го имате Европското првенство и Копа Америка. Неговата работа е очигледна. И тоа е најдоброто нешто што можете да го кажете за еден тренер “, изјави Клоп.
Тој вели и дека неговиот поранешен клуб најдоброто решение го нашол на позицијата менаџер.
„Бев навистина среќен кога слушнав дека Ливерпул го сака Слот. Не бев вклучен во тоа, не сум таков човек во позадина, уште ми останаа некои работи. Не сакам да се занимавам со тоа. Клубот е премногу голем и премногу добар, па многу се сменија откако заминав. Видов дека Ливерпул игра добро. Многу добро.“, додаде Јирген.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
