Роберто Фирмино на крајот на сезоната ќе го напушти Ливерпул. После долги осум години Бразилецот се одлучи да ја смени средината, а тоа го изненади и менаџерот Јирген Клоп.
Пред дуелот со Борнмут германскиот тренер зборуваше за напаѓачот.
„Изненаден? Да, малку сум изненаден. Можеше да оди во два правци, тој се одлучи за вториот. И тоа го почитувам. Тоа е сосема нормално во вакви врски кои ги имаме, и какви што Боби има со клубот“, рече Клоп, пренесуваат британските медиуми.
Фирмино во Ливерпул остави голема трага и се очекува достојно простување.
„Во овој момент немаме време за простување. Ќе има време во доцната фаза на сезоната. Тој целосно е посветен на тимот, како што и знаете. И тоа е се што треба да знаеме“, рече Клоп.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
