Ливерпул ќе го предизвика актуелниот европски првак Реал Мадрид во утрешното финале на Лигата на шампионите. Менаџерот на „црвените“, Јирген Клоп, како и секогаш, видно расположен на дружбата со медиумите, во пресрет на големата пресметка. Тој вели дека Реал Мадрид е фаворит, а никој не очекувал токму Ливерпул да стигне до Киев. Но, неговиот тим е подготвен да се бори храбро за најпосакуваниот пехар.
„Никој не очекуваше дека Ливерпул може да стигне до финалето, но еве сме во Киев, и ќе играме против Реал Мадрид. Тие се најдобриот тим, и тоа официјално, го освоија пехарот во ЛШ во изминатите две сезони. Но, и ние посакуваме да го кренеме трофејот. Што да се каже за Реал Мадрид, тие се тимот што секој би сакал да го победи. Зинедин Зидан е еден од најдобрите петмина фудбалери на сите времиња и секако дека од него се очекува да биде и голем тренер. Освои многу трофеи веќе со Реал Мадрид. Ако некој се сомнева во мене и во Зидан, во нашите тренерски квалитети, тогаш нека се запраша како сме стигнале до финалето. Наш најголем адут секако е тимскиот дух и ќе се обидеме да го наметнеме и на утрешната финална пресметка“, изјави Јорген Клоп.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
