Јирген Клоп изјави дека евентуалната промена на сопственоста на Ливерпул нема да влијае на неговиот ангажман во тимот, а со тоа ја минимизира неговата улога во можните разговори за продажба на клубот.
Неговата изјава дојде само неколку дена откако сопственикот на клубот, „Fenway Sports Group“ (FSG), објави дека ја разгледуваат можноста за вклучување на нови акционери.
Групацијата „FSG“ стана сопственик на Ливерпул во 2010 година за 300 милиони фунти, а на почетокот на неделата одговори на информациите дека подготвува продажба, со изјава дека ќе ја истражи можноста за привлекување инвеститори, доколку е во „најдобриот интерес“ на Ливерпул.
„Што и да се случи, јас едноставно уживам да работам со нашите сопственици. Но, ако дојде до промена на сопственоста, нема проблем, бидејќи јас сум целосно вклучен во клубот, останувам на менаџерската клупа … Колку што знам, тие навистина бараат инвеститори и мислам дека таков потег има смисла“, додаде Клоп.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
