Партизан денеска донесе одлука да не се натпреварува во српското кошаркарско првенство како превентива по случувањата од финалната серија против Црвена Звезда во АБА лигата, но и како одговор за одлуката на КФС оваа сезона директно да се стартува со плејоф, а пласманот да се пренесува од регионалното првенство каде Црвена Звезда би имала предност на домашен терен во евентуалното финале меѓу вечните ривали.
За одлуката на „црно-белите“ следеше и одговор од страна на Кошаркарската лига на Србија која го осуди Партизан за отстапувањето од првенството и потегот го означи како непочит кон самата држава.
„Кошаркарската лига на Србија е непријатно изненадена и разочарана од одлуката на КК Партизан да отстапи од натпреварувањето. Одлуката која сама по себе е скандалозна е и некоректна бидејќи е официјално соопштена пред самиот почеток на полуфиналната плеј-оф серија. КК Партизан со својата одлука нанесе голем штета на српската кошарка. Сметаме дека истата претставува и непочитување на државата Србија како издвојува голема сума на парични средства за спортот, пред се за кошарката, а со тоа и за КК Партизан“, стои во дел од соопштението.
Доколку Партизан не ја промени одлуката во најбрз можен рок ќе следи и исфрлање на белградскиот гигант во третата лига.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
