Дванаесет професионални спортски клубови од Лос Анџелес заеднички донираа осум милиони долари на американскиот Црвен крст, пожарникарите од Лос Анџелес и други организации кои им помагаат на настраданите од големиот пожар кој со денови беснее во најголемиот град во Калифорнија.
Клубовите на настраданите ќе им поделат и спортска опрема и училиштен прибор во вредност од три милиони долари.
Поради пожарот во Лос Анџелес беа одложени и некои натпревари. Така, натпреварот од првото коло од НФЛ плеј-офот помеѓу Лос Анџелес Рамс и Минесота Викингс, беше преместен од Лос Анџелес во Глендејл, Аризона, додека двата НБА тима од Лос Анџелес, Лејкерс и Клиперс последен пат ги одложија домашните натпревари во текот на неделата кои беа одиграни токму изминатата ноќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
