Ријо Кобајаши ја потврди доминацијата во Светскиот куп во ски-скокови, откако денеска победи на 240 метерската ски – леталница во Планица, Словенија. Јапонецот до победата стигна со летови од 252 и 230.5 метри.
Второто место му припадна на домашниот ски-скокач Домен Превц кој забележа летови од 239.5 и 222.5 метри, а третопласиран беше Германецот Маркус Ајзенбихлер со летови од 227 и 235 метри.
Со денешното натпреварување заврши сезоната во Светскиот куп во ски – скокови, во кој доминираше Јапонецот Ријо Кобајаши кој освои 2085 поени. Второто место му припадна на Австриецот Штефан Крафт кој заврши со 1349 поени, а трет е Камил Шток од Полска со 1288 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
