МЗТ Скопје стигна до значаен триумф на гостувањето против Хелиос, па тренерот Ѓорѓи Кочов имаше причина за задоволство по одличното издание на неговиот тим. Успехот е уште поголем ако се земе во предвид фактот дека МЗТ настапи значително ослабен, без Симоновски, Соколов, Маслинко и Младеновски, но сепак успеа да стигне до посакуваниот триумф.
„Мислам дека заслужено славевме. Моите кошаркари одиграа одлично, им симнувам капа за денешната претстава и оваа победа. Покрај тоа, големи пофалби и за моите помошници, за одличната тактичка подготовка за денешниот натпревар“ – изјави Ѓорѓи Кочов на прес-конференцијата по натпреварот.
МЗТ Скопје до крајот на оваа 2018 година го очекуваат уште два натпревари, најпрвин викендов во Аеродром ќе го пречека Фени индустри, а потоа во последниот дуел од АБА2 лигата за годинава ќе му гостува на Борац Чачак.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
