Се чини дека дури и Хари Кејн падна во сенка на новото чудо од дете на Баерн, 17-годишниот Ленарт Карл. Младиот фудбалер не престанува да воодушевува, а веќе го споредуваат со Лионел Меси, додека легендата Дитмар Хаман вели дека лесно ќе го достигне нивото на Кристијано Роналдо.
Сензационалниот талент го имаше своето деби за Баерн на Светското клупско првенство во победата од 10-0 над Оукленд Сити. Тој продолжи да се истакнува во предсезоната и го постигна својот прв натпреварувачки гол во Лигата на шампионите против Бриж. Со тој гол, го сруши рекордот на Џамал Мусиала и стана најмладиот стрелец на Баерн во елитното европско натпреварување.
Само три дена подоцна, Карл беше стрелец и во Бундеслигата против Борусија Менхенгладбах. Ова го направи најмлад играч во историјата на Баерн кој постигнал и гол и асистенција во ист натпревар. Тој презеде уште еден рекорд од ѕвездата на Реал Мадрид, Килијан Мбапе. Карл сега е најмладиот играч кој постигнал гол во три едноподруго натпревари во Лигата на шампионите.
СПОРЕДБА СО ЛИОНЕЛ МЕСИ
Неговите настапи кренаа многу прашина, а поранешниот играч од средниот ред на Баерн, Дитмар Хаман ќе рече.:
„Ленарт Карл беше прашан кој му е идол и тој рече дека е Меси. Не е тоа изненадување. Меси доминираше во светскиот фудбал во последните 15 години со својот низок центар на гравитација и начинот на кој дрибла. Карл дрибла на многу сличен начин, има многу други сличности кога го гледате како игра. Карл одигра околу 20 натпревари за Баерн и беше фантастичен, но не сакате да го споредувате со некој што доминираше во фудбалот 15 години. Сепак, тие играат на многу сличен начин. Тој ги освојува сите насловни во Германија во моментов и го носи нападот на тимот. Луѓето велат дека Кејн е во сенка на Карл во моментов. Погледнете го натпреварот со Арсенал, Карл беше тој што постигна гол и беше најефикасниот играч во нападот“ – вели Хаман и дополнува:
„Тој е незаменлив во моментов. Ако утре беше полуфинале или финале од Лигата на шампионите, Карл ќе играше, Џамал Мусиала ќе мора да се бори за да се врати во тимот. Позитивно е што Мусиала не мора да брза да се врати од повреда. Ќе мора напорно да работи за да го замени Карл.“
Хаман верува дека небото е граница за младиот играч од средниот ред, истакнувајќи дека неговите рани успеси ги надминуваат дури и оние на најголемите легенди на германскиот фудбал.
„Франц Бекенбауер и Лотар Матеус се меѓу најдобрите германски играчи на сите времиња, а тие не го направија она што го прави Ленарт Карл сега на 17 години. Да се направи тоа во Бундеслигата и Лигата на шампионите е едноставно сензационално. Најневеројатното достигнување на Кристијано Роналдо и Лионел Меси е да го одржат ова ниво 10 до 15 години. Небото е граница за Карл, тој е секако посебен талент“, додаде поранешниот играч на Баерн Минхен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
