Пилешко кари. Неколку игри на ФИФА. Омилената ТВ емисија. Вака ја минале вечерта неколку момчиња во Лондон, но друштво им правел освојувач на светската фудбалска титула.
Нголо Канте го пропуштил возот со кој требало да патува за Франција по триумфот на неговиот Челси над Њукасл во премиерлигашката рунда во саботата. Ја нашол најблиската џамија и отишол на вечерна молитва. Таму сретнал фан кој собрал храброст и го поканил на вечера. Симпатичниот Французин прифатил.
Неколку часа останал во домот на момчето кои ги повикало и пријателите. Возбудениот домаќин сподели фотографии на социјалните мрежи.
„Го пропуштил возот, отишол во локалната џамија, бил поканет на вечера, па ја прифатил љубезната покана и е многу благодарен за убавиот гест“ – изјави портпаролот на Челси.
World Cup winner, former premier league player of the year, 2 time premiership winner casually joined us to watch MOTD after visiting a local mosque. True definition of being humble. What a man. pic.twitter.com/y14NanXKPn
— J (@jahrul999) September 16, 2018
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
