Прославениот холандски стратег Луис Ван Гал одлучи да стави точка на својата богата кариера. Ван Гал од 2016 година, по заминувањето од Манчестер јунајтед, не работеше никаде и покрај бројните понуди. Па, во 67-та година од животот се одлучи на пензија.
Одлуката, како што самиот вели, ја донел на наговор на неговата сопруга.
„Готово е, одам дефинитивно во пензија. Немам повеќе амбиции да бидам ниту некако директор, тренер или телевизиски коментатор“ – изјави Ван Гал и дополни:
„Мојата сопруга замина во пензија пред 22 години, за да може секогаш да биде само моја поддршка. И ветив дека ќе се повлечам кога ќе наполнам 65 години. Не можам понатаму. Како што моите играчи имаат право да бидат со мене, истото важи и за сопругата. Пресреќна е поради оваа одлука“.
Louis Van Gaal announces his retirement from the benches.
· Ajax (1991-1997).
· FC Barcelona (1997-2000 and 2002-2003).
· Netherland (2000-2001/2012-2014).
· Holland Sub20 (2001).
· AZ Alkmaar (2005-2009).
· Bayern (2009-2011).
· Man Utd (2014-2016).– 899 games, 20 titles. pic.twitter.com/OdpNqxSxYy
— cloughismo (@cloughismo1) March 11, 2019
Веднаш по објавата за крај на кариерата, на холандскиот стратег среќа му посакаа бројни европски фудбалери меѓу кои и Маркус Рашфорд кој на 18 години под негово водство доби шанса во Јунајтед.
„Ви благодарам што ми ја отворивте вратата и верувавте во мене. Уживајте во пензија, шефе“ – напиша Рашфорд на својот Твитер профил.
Во својата богата тренерска кариера Ван Гал покрај Манчестер јунајтед, ги водеше и Баерн Минхен, АЗ Алкмар, Барселона, Ајакс како и холандската репрезентација со вкупно освоени 20 трофеи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
