Претседателот на Фудбалскиот сојуз на Србија, Славиша Кокеза и функционерот од овој сојуз, Марко Пантелиќ ја добија битката со коронавирусот.
„Кокеза се чувствува одлично, комплетно се опорави од болеста и наскоро би требало да биде пуштен од болница. Пантелиќ, пак, немаше никакви симптоми а беше во домашна изолација поради позитивниот тест. Но сега и тој се избори со болеста“ – изјави докторот на репрезентацијата на Србија, Миљко Ристиќ, и дополни:
„Бидејќи мина периодот од 14 дена, а никој друг од сојузот не појави симптоми може да кажеме дека ситуацијата во Сојузот е под контрола“.
Инаку, претходно беше потврдено дека и двајцата се заразиле на Конгресот на УЕФА во Амстердам.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
