Американката Коко Гауф испиша историја во женскиот тенис откако стигна до титулата на турнирот во Линц. Таа во финалето ја совлада Јелена Остапенко со 2-1 во сетови, со што стана најмлада шампионка на еден турнир во женска конкуренција во последните 42 години.
Имено, Гауф го крена пехарот на возраст од 15 години и 214 дена, уште еден доказ за неверојатниот потенцијал на американската тинејџерка. Само за споредба, нејзините сонароднички Венус и Серена Вилијамс до своите први трофеи стигнаа на 17-годишна возраст.
Пред Гауф остана само рекордот на Американката Трејси Остин, која во 1977 година го освои турнирот во Портланд на возраст од само 14 години и 29 дена.
Со освоената титула американската тинејџерка од 110. место ќе скокне на 71. позиција на најновата ВТА-листа.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
