Француската фудбалска ѕвезда Килијан Мбапе во својата импресивна колекција на скапоцени автомобили додаде и персонализиран BMW со вредност од 180 илјади евра, доделен од страна на германската автомобилска компанија како дел од спонзорскиот договор кој го има со Реал Мадрид.
Тоа е само последниот скапоцен автомобил кој доби место во колекцијата на Французинот која меѓу останатите брои и: Ferrari Hybrid SF90, Ferrari 488 Pista, Ferrari 458, Cadillac Escalade, Mercedes V klase, Volkswagen Touareg, Volkswagen Tiguan и Volkswagen Multivan.
Колекцијата на Мбапе изнесува над еден милион евра, но интересно е тоа што тој нема возачка дозвола. За тоа говореше и самиот фудбалер кој изјави дека не му е приоритет да одвои време да положи возачки испит, особено кога има личен возач.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
