Со два натпревари од програмата во 18.45 часот стартуваше второто коло во ракометната Лига на шампиони. Норвешкиот Колштад успеа на домашен терен да слави против романскиот шампион Динамо Букурешт со 31-28.
Домаќините одиграа одлично прво полувреме по кое имаа предност од седум голови 17-10. Во вториот дел гостите успеаја да ја намалат предноста, но не успеаја да стигнат до ништо повеќе од почесен пораз од 31-28. Гудјонсон со шест гола беше прво име во таборот на победникот, додека кај поразените Негру постигна пет гола.
Во вториот меч од понудата од 18.45 часот Пик Сегед славеше на гостувањето во Данска кај ГОГ Гудме со 31-36. Унгарците и во двете полувремиња беа за нијанса подобар тим, па на крајот заслужено стигнаа до полн плен. Maрио Шоштариќ беше феноменален и со 12 од 12 беше прво име во победничкиот табор, додека кај поразените Педерсен заврши со осум гола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
