Ниту бројните повреди и големиот број отсуства на најдобрите фудбалери не може да го оттргнат Ливерпул од битката за шампионската титула сезонава во Премиерлигата. „Црвените“ во 27. коло денеска, повторно со комбиниран состав, поради отсуствата на повредените Арнолд, Салах, Диаго Жота, Матип, Тиаго…, но и без Нуњез, Собослаи, Едо во првиот тим успеа да дојде до триумф од 0-1 на гостувањето против Нотинген Форест и тоа со гол во 99. минута од средбата.
Кога се чинеше дека дуелот ќе заврши без голови, во деветтата минута од судиското продолжение Дарвин Нуњез, кој во игра влезе во 60.минута, одлично се снајде во шеснаесетникот на противникот и со глава постигна гол за три бода на Ливерпул.
Сето тоа за нова предност од четири бода на Ливерпул на врвот пред Манчестер сити. Да биде радоста поголема и значењето на триумфот уште поголем, ова е прва победа во историјата на Ливерпул на „Сити Граунд“.
GOAL 🚨 🚨 𝗦𝗖𝗘𝗡𝗘𝗦: Darwin Núñez scores to winning goal for Liverpool in the dying moments of the game.pic.twitter.com/562Wcvdwrd
— DaveOCKOP (@DaveOCKOP) March 2, 2024
Челси се спаси од пораз на гостувањето против Брентфорд благодарение на голот на Дисаси во 83. минута за конечни 2-2.
Тотенхем со пресврт триумфираше против Кристал Палас со 3-1. Гостите поведоа со голот на Езе во 53. минута, но од 78. до 88.минута, Вернер, Ромеро и Сон постигнаа три гола за Тотенхем за три бода.
РЕЗУЛТАТИ – 27. КОЛО
Брентфорд – Челси 2-2
Нотингем Форест – Ливерпул 0-1
Евертон – Вест Хем 1-3
Фулам – Брајтон 3-0
Њукасл – Вулверхемптон 3-0
Тотенхем – Кристал Палас 3-1
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
