На „Етихад“ се одигра хуманитарен натпревар меѓу легендите на Манчестер сити и легендите на Премиер лигата во чест на поранешниот капитен на Сити, Винсент Компани.
Белгиецот го напушти клубот минатата сезона по 11 години и бројни титули, и иако не можеше да игра на натпреварот поради проблеми со задната ложа, повеќе од 50.000 навивачи на Сити со овации ја испрати својата легенда. Сите средства од билетите одат за хуманитарната организација на Компани која е посветена за намалување на бројот на бездомниците во Англија.
Натпреварот заврши 2-2, а за легендите на Сити настапија и Сержо Агуеро, Давид Силва а предводени од Пеп Гвардиола. На терен беа и Џо Харт, Пабло Забалета, Коло Туре, Најџел Де Јонг, Самир Насри, Мартин Петров. На клупата беа и играчи како Џејмс Милнер, Крег Белами а во публиката беше и Марио Балотели.
И легендите на Премиерлигата имаа одличен состав. Ван Дер Сар на голот, па Гери Невил, Карагер, Карик, Ешли Кол, Артета, Бат, Сколс, Гигс, Роби Кин, Ван Перси…
„Сите и Етихад засекогаш ќе останат во моето срце. Ова не се заборава, ви благодарам на сите“ – истакна Компани во емотивното обраќање пред натпреварот.
“Of course – I’m injured in my own Testimonial.” ?
Vincent Kompany speaks on the Etihad pitch ahead of tonight’s match between the Manchester City legends and the Premier League All-Stars!
Watch live on Sky Sports Premier League now or follow: https://t.co/sQrqruDjUj pic.twitter.com/VpxmkYu7Ug
— Sky Sports Premier League (@SkySportsPL) September 11, 2019
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
