Тренерот на Барнли, Винсент Компани изјави дека судењето во Премиерлигата оваа сезона не е доволно добро.
Компани доби црвен картон поради протестирање откако судијата Дарен Ингланд досуди пенал за Челси во саботното реми 2-2. На 30 натпревари оваа сезона, шест играчи на Барнли добија црвени картони, најмногу меѓу тимовите од Премиерлигата.
Компани рече дека не се срами да им го каже мислењето на судиите и дека нема проблем со казнувањето.
„Им кажав на судиите – судењето не е доволно добро оваа сезона. Тоа им го кажав на конструктивен начин, сфаќајќи дека и ним не им е лесно. Нивната контрола е најголема досега. Додавање ВАР и повеќе мислења и повеќе официјални лица не им ја олеснува работата“, рече Компани.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
