Целиот фокус во Барселона е ставен на фијаското со Дани Олмо, но Ханси Флик и неговите избраници веќе напорно работат за следниот предизвик, атак на трофејот во Супер-купот на Шпанија што ќе се одржи во Саудиска Арабија.
Тренерот Флик во меѓувреме доби барем една добра вест, откако Ламин Јамал победи во трката со времето и ќе биде во комбинација за настап во ова натпреварување. Барселона во полуфиналето в среда ќе се сретне со Атлетик Билбао, а ако се знае дека Јамал веќе неколку дена тренираше со остатокот од тимот, големи се шансите тој дури и да биде стартер на овој дуел.
„Се уште немам решено за стартерите во полуфиналето од Супер-купот. Сигурно ќе има ротации, но многу важно за нас е што Ламин се врати. Тренираше со тимот, ќе патува со нас и ќе можеме да сметаме на него во ова натпреварување“, изјави Ханси Флик.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
