Полјаците поведоа уште рано, преку Соуса во 9.минута и го чуваа водството. Во второто полувреме домаќините беа шокирани во рок од пет минути, од 64. до 69.минута Прво на нивна сметка беше досуден пенал, по долго прегледување и во ВАР и од судијата Обреновиќ од Словенија, го реализира Велде, а потоа Солтех во 69. минута беше прецизен за 0-3.
Сепак, откако тренерот Италијано го освежи тимот Сотил намали на 1-3 во 78. минута, за потоа во втората минута од судиското продолжение Кастровили само да го ублажи поразот. Со вкупни 6-4, Фиорентина го мина Лех и се пласира во првото европско полуфинале по сезоната 2015/2016, кога беше елиминирана од Севилја во Лига Европа.
Противник во полуфиналето сега ќе и биде подобриот од дуелот меѓу Базел и Ница (2-2).
Полуфинале обезбеди и холандски Аз Алкмар откако дури по изведувањето на пеналите го елиминираше Андерлехт. Претходно, во регуларниот дел Аз Алкмар славеше со 2-0, идентично колку и што загуби на првиот натпревар во Белгија. Павлидис со два гола уште во 5. и во 13. минута донесе предност за Аз Алкмар кој успеа сето тоа да го сочува во регуларниот дел и во продолженијата, па на пенали да слави со 4-1.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
