Ирската ММА ѕвезда Конор Мекгрегор наводно е подготвена да се врати во УФЦ. Тој сака да се бори за појасот во велтер категорија против Ислам Махачев.
За разлика од Хабиб Нурмагомедов, кого често кога е под дејство на алкохол го повикува на социјалните мрежи, бидејќи не може да го заборави тешкот пораз во меч од 2018 година, ирскиот борец Конор Мекгрегор има голема благодарност за актуелниот шампион на УФЦ, Ислам Махачев.
Конор се подготвува за своето враќање со години. Сега тоа е повторно актуелна тема, а „Озлогласениот“ би сакал да го нападне појасот во велтер категорија што го поседува дагестанската ѕвезда.
„Мотивиран сум. Сакам шанса за тој појас, сакам тројна круна“, вели Конор и продолжи: „Тоа би била добра борба, добра пресметка“.
Потоа се сети на борбата со менторот на Ислам, Хабиб Нурмагомедов, и му упати ретко виден комплимент.
„Тоа беше многу добар настап од него. Секоја чест за него“, а потоа повторно се сврте кон Ислам.
„Тој имаше храброст (за разлика од Хабиб) да оди во повисока категорија. Секако дека сум возбуден за можна борба. Ќе видиме што ќе се случи. Прво треба да се вратам“, рече Конор седејќи на шанкот, кој со години му е „дом“ и кој речиси му ја уништи кариерата.
🚨 Conor McGregor wants to challenge Islam Makhachev for his 170-lb title 🤯
“I for sure want a crack at that belt to go for the triple crown. It’d be a good scrap.”
(via @BloodyElbow) pic.twitter.com/pE9LzlqTPs
— Happy Punch (@HappyPunch) December 5, 2025
Од борбата со Хабиб, ирската ММА ѕвезда не е иста. Својот последен меч го имаше во летото 2021 година, кога беше поразен од Дастин Поарие, вторпат по ред.
Постојано се зборува за негово враќање. Сепак, тој никогаш не беше подготвен и покрај големите најави, а многумина сè уште не веруваат дека некогаш ќе се случи враќањето.
Конор е поранешен двократен шампион на УФЦ. Тој има рекорд од 22 победи и шест порази во својата професионална кариера. Тој постигна 19 победи со нокаут.
Од друга страна, Ислам Махачев е со сооднос 28-1. Тој го доживеа својот единствен пораз во 2015 година на почетокот на својата УФЦ кариера од Адријан Мартинс. Еден удар ја одлучи одлуката, но според многумина, борбата заврши прерано.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
