Тренерот на Милан , Серхио Консеисао зборуваше по победата на неговиот тим од 3:0 против Интер во реваншот од полуфиналето на Купот на Италија .
Тој во шега истакна дека „фудбалот го носи и дома“, па и дека неговата сопруга ќе биде задоволна од овој резултат и од пласманот на тимот во финалето.
„Важни се малите детали, ми се допадна ставот и сплотеноста на тимот и во одбраната и во нападот. Малку се мачевме во првите неколку минути, но успеавме да постигнеме гол. Подобривме некои работи на полувреме, а потоа имавме навистина високо ниво во вториот дел. Тимот има квалитет, но и желба за победа на секој меч. Задоволен сум од работата на Лука Јовиќ. Работи навистина добро во последните 3-4 недели. Исто така симна и килограми. Носи нешто што го посакувавме“, рече Консеисао и додаде:
„Љубител сум на фудбалот. Патам повеќе од другите. Го носам фудбалот дури и дома, па мојата сопруга сигурно ќе биде задоволна од резултатот и пласманот во финалето“, изјави Консеисао.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
