Констанца се искачи на врвот на табелата во романското првенство откако тимот предводен од македонскиот стратег Звонко Шундовски попладнево убедливо славеше над Баја Маре со 39-33.
Тактиката „клајте голои“ на поранешниот македонски селектор вроди со плод и на денешниот натпревар, особено во второто полувреме во кое неговите избраници постигнаа дури 22 погодоци, до врвот полнејќи ја мрежата на гостинскиот тим.
Во тимот на Констанца настапија и двајцата македонски репрезентативци Никола Митревски и Велко Маркоски, а спортски директор на овој клуб е Бранислав Ангеловски. Главен ривал на Констанца во битката за титулата е ЧСМ Букурешт, во чии редови настапува уште еден Македонец, десното крило Гоце Георгиевски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
