Британката Џоана Конта и го нанесе најтешкиот пораз во кариерата на 23-кратната гранслем шампионка, Серена Вилијамс. Ја победи во стартното коло на турнирот во Сан Хозе во два сета, за само еден час, а Американката освои само еден гем (6-1,6-0).
Вилијамс никогаш во професионалната кариера, уште од 1995 година, не загубила меч во кој не освоила најмалку два гема.
„Се обидов да го ставам настрана тоа што таа е голема шампионка и да го одиграм најдобриот тенис што го знам. Таа очигледно не играше на најдобро ниво“ – изјави Конта по победата.
Серена Вилијамс во мечот направи дури 25 неизнудени грешки.
„Таа играше одлично, особено во вториот сет, беше сигурна во себе и јасно е зошто победи“ – рече Вилијамс по изненадувачки високиот пораз.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
