Тренерот на Наполи, Антонио Конте изјави дека клубот од Неапол мора максимално да ги искористи сите ресурси доколку сака да ја освои титулата во Серија А.
Наполи се искачи на првото место на табелата во Серија А, откако на домашен терен го совлада Торино (2-0), додека Интер во Милано беше поразен од Рома (0-1).
На четири кола пред крајот на првенството клубот од Неапол е на првото место на табелата со 74 бодови, додека Интер е втор со 71.
„Искрено, не го гледав натпреварот меѓу Интер и Рома. Го гледав второто полувреме на Фиорентина – Емполи. Верувајте ми ако сакате, не ми е гајле. Го исклучив телефонот, подоцна го дознав резултатот од натпреварот Интер – Рома. Направивме еден чекор, има уште четири. Играме против екипи кои се борат за опстанок. Се е во наши раце”, изјави Конте.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
