Наполи ја продолжува трката со Интер за шампионското скудето откако тимот на Антонио Конте полесно од очекувањата славеше на дербито на колото против Милан со 2-1.
Само 19 минути беа доволни за „наполитанците“ да ги натераат гостите на капитулација, Политано на самиот почеток погоди за 1-0, пред Ромелу Лукаку да зголеми на 2-0 постигнувајќи го својот 400. гол во кариерата.
Консеисао беше целосно надмудрен од Конте, Милан не упати ниту еден удар во рамките на противничкиот гол, па Португалецот беше принуден да си ја признае грешката и на паузата да го внесе во игра Рафаел Леао, десетина минути подоцна и Сантијаго Хименез.
Кон средината на второто полувреме „росонерите“ имаа шанса да внесат неизвесност во дербито, но Хименез не успеа да реализира пенал. Лука Јовиќ доби ретка шанса да ги покаже своите квалитети, српскиот напаѓач одлично се снајде и стрелаше прецизно за 2-1 на асистенција на Тео Хернандез, но тоа беше се што Милан успеа да стори, па „наполитанците“ освоија цел плен во големото дерби.
Наполи со оваа победа се врати на три бода заостанување зад лидерот Интер, додека Милан по најновиот пораз падна на деветтото место на табелата, со девет бода заостанување зад четвртопласираната Болоња, во трката за место во ЛШ за наредната натпреварувачка сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
