Контроверзниот сопственик на ФЦСБ, Џиџи Бекали веднаш по дуелот во Скопје и поразот (0-1) на неговата екипа од македонскиот шампион Шкендија истакна дека еден ваков пораз бил добредојден за освестување на играчите на романскиот шампион.
Бекали, сепак, е убеден дека ФЦСБ ќе се пласира во 3. квалификациско коло со убедлива победа во Букурешт.
„Ќе се пласираме во следното коло. Добро е што еден ваков кикс ни се случи сега, и знаеме што треба да правиме на реваншот. Не е ништо важно што се случи тука, ќе се пласираме во следното коло со убедлив триумф во Букурешт. Мечот во Скопје беше надвор од наша контрола, и ни покаже дека кога не работите како што треба ќе има лоши резултати. Бевме казнети поради индолентниот однос на одредени играчи. И тоа не смее да се повтори“ – изјави Бекали веднаш по дуелот во Скопје.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
