Познати се уште четири учесници во плеј-офот во Лигата на шампионите. После Карабах, „билет“ за последното квалификациско коло пред групите изборија и Копенхаген, Фенербахче, Пафос и Глазгов Ренџерс.
Копенхаген со убедливи 5-0 го совлада „соседниот“ Малме. Првиот меч заврши без голови, а во вториот данскиот тим се „распука“. Хуескас, Робер два гола, Елијонуси и Матсон беа стрелци на головите за убедлива победа.
Фенербахче предводен од Жозе Мурињо исто така се пласираше понатаму, и покрај поразот во Ротердам со 2-1. На домашен терен Фенер победи со 5-2, и така продолжи во следната фаза. Браун, Дуран, Фред, Ен Несири и Талиска беа стрелци на головите за Фенер, додека Ватанабе постигна два за холандскиот тим.
ПАФОС од Кипар е најголемото изненадување во квалификациите за ЛШ, откако успеа да го елиминира големиот Динамо Киев. Го победи со 2-0 и на реваншот, откако на првиот меч на наутрален терен во Полска победи со 0-1.
Викторија Плзен и покрај победата со 2-1 над Глазгов Ренџерс, сепак, шкотскиот тим успеа да се пласира во следната фаза благодарение на победата на првиот меч со 3-0.
Копенхаген ќе игра против Базел, додека останатите тимови ги чекаат ривалите кои играат вечерва.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
