Карло Анчелоти се соочува со сериозни проблеми по враќањето на чело на Реал Мадрид, откако коронавирусот се повеќе се шири во таборот на Реал Мадрид и го оневозможува искусниот стратег од самиот почеток да работи со сите фудбалери во подготовките за новата сезона.
Давид Алаба само неколку дена по официјалната промоција доби позитивен корона-тест, во самоизолација се наоѓаа и најдобриот стрелец Карим Бензема, а денеска и трет фудбалер на Реал беше позитивен на тестирањата во тренинг-базата на „кралскиот клуб“. Станува збор за десниот бек Одриозола, кој согласно здравствените протоколи веднаш замина во самоизолација.
Одриозола и Алаба дефинитивно ќе го пропуштат пријателскиот меч со Милан закажан за 8 август, но се очекува двајцата да бидат максимално подготвени за настап на премиерата на новата сезона, дуелот со Алавес во првото коло од Ла Лига закажан за 14 август.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
