Екипата на Виланова, од предградието на Филаделфија, стигнаа до шампионската титула во НЦАА шампионатот во САД откако славеа во големото финале против Мичиген со 79-62. Ова е за нив трет наслов, а им го донесе кошаркар од клупата!
Ѕвезда на вечерта и најдобар играч на Ф4 беше Донте ДиВинченцо кој во игра влезе како шестти човек при водство на Мичиген од 14-21 и покрена луда серија од 22-7 со која Виланова веќе на полувремето стигна до +9. Постигна 18 поени во само десеттина минути игра со неверојатен шут од 70%.
До крајот на мечот ДиВинченцо постигна вкупно 31 поен, од кои пет тројки. Кај Мичиген најдобар беше Абдур-Рахман со 23 поени.
MOP goes to Donte DiVincenzo ?
31PTS (5 threes)
5REBS
3ASTS
2BLKS#NationalChampionship pic.twitter.com/CaMpZrrbDp— Bleacher Report (@BleacherReport) April 3, 2018
21-годишниот ДиВинченцо пред две години поради тешка повреда, скршеница на коска, го пропушти големото финале во кое Виланова исто така славеше. Овој пат беше незапирлив.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
