Македонската сениорска кошаркарска репрезентација денеска во СРЦ „Кале“ ги започна подготовките за престојните квалификации за Евробаскетот 2025 година во кои не очекуваат дуели против Естонија, Полска и Литванија. Најважниот од нив е на самиот старт, оној против Естонците кој ќе биде одигран во нашиот главен град на 23. февруари со почеток од 19 часот и ќе има огромно значење за исполнување на целта – пласман на собирот на најдобрите кошаркарски репрезентации по десет години пауза.
Во салата под скопската тврдина денеска се собираа најголемиот дел од репрезентативците со отсуство на Андреј Јакимовски и Кристијан Николов кои поради клупските обврски нема да бидат дел од престојниот циклус, а недостасуваше и новиот натурализиран репрезентативец Итан Хап кој ќе слета во Скопје во текот на утрешниот ден.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
