Најсензационалниот резултат во кошаркарските квалификации вечерва се случи во Реџио Емилија. Италија како огромен фаворит влезе во пресметката со Исланд, но Исланѓаните дојдоа до голема победа. И тоа само неколку дена после убедливиот пораз на домашен терен од истиот противник.
Кошаркарите на Исланд одлично го стартуваа дуелот, и ја шокираа Италија со водство од 9-22 во првата четвртина. Италија некако успеа да намали од разликата и на полувреме да заминат само со негатива од три разлика. Во третиот дел Италијанците успеаја да намалат и да влезат во последниот период со само два негатива. Меѓутоа во четвртиот период Исланѓаните покажаа квалитет, покажаа посилни нерви за конечен триумф. Италија усепа да се врати во финишот, но не до крај за прв пораз во квалификациите, а Исланд дојде до втората победа.
Сепак, треба да се напомене дека Италија веќе го обезбеди учеството на Евробаскетот.
Летонија и дефинитивно го обезбеди учеството на Евробаскетот откако дојде до четвртата победа совладувајќи ја Белгија. Словенија се намачи да дојде до победата анд Португалија, додека Црна Гора ја совлада Бугарија.
Пласман на Евробаскетот вечерва обезбедија и селекциите на Словенија, Израел, Турција и Шпанија.
КВАЛИФИКАЦИИ ЗА ЕВРОБАСКЕТ
БУГАРИЈА – ЦРНА ГОРА 86-90
УНГАРИЈА – ТУРЦИЈА 76-81
СЛОВЕНИЈА – ПОРТУГАЛИЈА 83-82
ИЗРАЕЛ – УКРАИНА 88-75
ГЕРМАНИЈА – ШВЕДСКА 80-61
ШПАНИЈА – СЛОВАЧКА 84-71
БЕЛГИЈА – ЛЕТОНИЈА 83-85
ИТАЛИЈА – ИСЛАНД 74-81
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
